Tumpek landep
Saniscara keliwon wuku landep
Kawastanin Tumpek landep
Landep urip ipun siki
Siki wantah Sang Hyang Widi
Sang Hyang Widi sane meraga Sang Hyang Pasupati
Om Sang Hyang Pasupati
Om Brahma astra pasupati
Om wisnu astra pasupati
Om Siwa astra pasupati
Om Sang Hyang Surya candra
Tumurun maring Sang Hyang Aji Saraswati
Tumurun maring SangHyang gana
angurip pasupati maha sakti
Om Sang Hyang Pasupati
Angurip pangurip maha suci
Angurip panugrahan maha sakti
Om Pasupati petastra yanamah swaha.
Om Sang Hyang Pasupati
Angurip tirta pasupati
Angurip rerajahan maha sakti
Om kedep sidhi mandi mantra suci.
Om shanti shanti shanti Om.
Tumpek landep
Napi sane landep
Landep wantah idep
Idep landep Dharma isep
Isep dharmaning agama
Agama dasar idep
Idep dharma, becik wacana
Wacana becik dasar kayika
Kayika mekardi sane becik
Becik manut indik
Indik tatwa, taler etika
Etika manut swadharma.
Swadharma dadi jadma
Jadma ring mercapada
Mercapada kali yuga
Kali yuga utawi jaman kali
Jaman kali akeh sane iwang
Iwang ring Idep
Idep iwang wacika iwang
Wacika iwang kayika iwang.
Iwang sami pada iwang
Iwang Tur lali
Lali ring tutur
Tutur Sang Hyang Dharma.
